Proqramlaşdırmaya Hardan Başlamalıyam?

Proqramlaşdırmaya Hardan Başlamalıyam?
Proqramlaşdırma ilə maraqlanan, müxtəlif seçimlər ilə qarşılaşıb haradan başlayacağını bilməyən dostum!

Bu yazım sənə görədir 🤩 

Proqramlaşdırmanın şəxsi inkişafında rolu və müasir dünyaya verdiyi töhfə əvəzolunmazdır. 

Müasir proqramlaşdırma dilləri vasitəsilə sən:

  1. Həm mobil tətbiqləri;
  2. Həm personal kompüter üçün proqramlar;
  3. Həm də veb sayt və tətbiqləri yarada bilərsən.

Kompüter proqramları 💻 


Bunlar personal kompüterlərə yüklənən proqramlardır. Hansılara ki, ofis proqramları, oyunlar, iş mühitində istifadə olunan proqramlar, dizayn proqramları və s. aid etmək olar. Windows əməliyyat sistemində kompüterə yüklənən proqramları yaratmaq üçün C++, C#, Java kimi proqramlaşdırma dilləri istifadə olunur. Proqramlaşdırmaya yeni başlayan biri üçün öyrənilməsi nisbətən çətin olan proqramlaşdırma dilləridir.  

Burada sənə sualım olacaq: "Ən son nə vaxt kompüterinə proqram yükləmisən 🤔?"

Reallıq ondadır ki, son zamanlarda kompüterimizə proqram yükləmək əvəzinə biz veb və mobil tətbiqlərdən istifadə edirik. Bunlar ancaq Windows əməliyyat sistemi üçün nəzərdə tutulan kompüterlərdə yox, internet veb brauzeri olan istənilən cihazlarda istifadə oluna bilir.

Mobil tətbiqlər 📲 


Mobil proqramlaşdırma üçün, adətən, ilkin proqramlaşdırma bilik və bacarıqları, alqoritmik düşünmə qabiliyyəti tələb olunur. Ayrıca mobil tətbiqlər hər bir mobil əməliyyat sistemi (Android, iOS) üçün xüsusi yazılır və optimizasiya olunur. Beləliklə, mobil developer olmaq üçün bir neçə proqramlaşdırma dil biliyi tələb olunur. Bunlara Kotlin (Android) və Swift (iOS) kimi dilləri misal göstərmək olar.

Veb proqramlaşdırma 🌐 


Frontend və Backend olaraq 2 yerə ayrılır:

📌  Frontend dedikdə veb saytların və tətbiqlərin interfeysinin UI/UX tərtibatı, veb əsaslı təbiqlərin proqramlaşdırması başa düşülür. Frontend developer-in istifadə etdiyi dil və texnologiyalar HTML, CSS, jаvascript, çoxlu framework və kitabxanalardır.

📌 Backend isə veb sayt və ya müxtəlif tətbiqlərdə əks olunan məlumatların saxlanmasını, tənzimlənməsini, təhlükəsizliyini və Frontend-ə ötürülməsini təmin edir.

Veb proqramlaşdırma nisbətən vizual olduğundan əvvəl kodlaşdırma təcrübəsi olmayan biri onu daha rahat mənimsəyə bilər.  Yazdığın kodun nəticəsini daha tez görüb proqramlaşdırmanı öyrənmək üçün motivasiya alacaqsan. Bir proqramlaşdırma dilini dərindən öyrəndikdən sonra artıq hər hansı bir mühit, proqram və tətbiqi yazmaq üçün yeni proqramlaşdırma dilini öyrənmək çox daha asan olacaq. Proqramlaşdırma aləminə veb proqramlaşdırma ilə addım atmaq tövsiyə olunur.

Partnyorlarımız

Ada Universiteti Div Academy
Bakı Ali Neft Məktəbi Div Academy
Dövlət Məşğulluq Agentliyi Div Academy
İnnovasiya və Rəqəmsal İnkişaf Agentliyi Div Academy
Kapitalbank Div Academy
Rəqəmsal İnkişaf və Nəqliyyat Nazirliyi Div Academy
Təhsil Assosiasiyası Div Academy
ABB Bank Div Academy
Hesab.az Div Academy
Ulduzum Div Academy
Unibank Div Academy

Müraciət et

Akademiya və tədris proqramları haqqında daha ətraflı məlumat üçün qeydiyyatdan keçin, biz sizinlə əlaqə saxlayaq.



Mobil nömrə minimum 9, maksimum 12 simvoldan ibarət olmalıdır.

Kursu seçin