QR kodlar necə işləyir, izah edirik

QR kod nədir

QR [kü ar] hərflərinin mənası Quick Response deməkdir. Sürətli cavab mənasına gəlir. Çünki, QR kodlar əsasən barkod oxuyucularının çox sayda məlumatın içindən lazım olan məlumatı tez bir zamanda gətirir.

Nümunə kimi, gözünüzün qabağına marketlərdə barkod oxuyucusunun nə qədər tez zamanda məlumat çağırdığını gətirin.

QR kod ilk dəfə Toyota şirkətinin Denso Wave adlı alt şirkəti tərəfindən istehsal prosesinə yardımçı olmaq üçün hazırlandı. Avtomobil və ehtiyat hissələrinin sürətli formada tanınıb istehsalın fasiləsiz davam etməsi üçün istehsal olunmuşdur.

Barkod kodları və QR kodlar demək olar eynidir. Lakin QR kodlar daha çox məlumatı özündə saxlayıb ötürə bildiyi üçün populyarlıq qazandı. Yenə də QR kodlar populyarlığını barkodlara borcludur. Beləliklə, QR kodlara barkodların daha çox inkişaf etmiş və daha çox məlumat saxlaya bilən versiyası deyə bilərik.

Barkodlar olmadan əvvəl uzun məhsul nömrələri tək tək əl ilə yazılırdı və bu da təbii olaraq prosesi yavaşladırdı. Barkodların gəlməsi ilə proseslər sürətləndi və məhsul məlumatlarının daxil olunmasında xətalar demək olar sıfıra düşdü.

QR kodlar necə işləyir

QR kodun vizual olaraq ən görünən elementi, oxuyucu tərəfindən skan olunduqda kodu yönləndirmək üçün istifadə olunan kvadrat bloklardır. Bu, kodun hansı tərəfdən (normal və ya baş aşağı) skan olunmasına baxmayaraq düzgün nəticəni göstərməsini təmin edir. Üç ədədi qıraqlarda, bir ədədi sağda (nisbətən ortaya doğru) olmaqla toplam 4 əsas kvadrat formalı blok olur.

Bu blokların ətrafında versiya formatı, xəta yoxlama versiyası və kod deşifrələmə funksiyası proqramlanlanmışdır. QR kodu oxuyucunun kodun kənarlarını tapmasına kömək edən "səssiz bölgə" adı verilən ağ sahə ilə əhatə olunmuşdur.

QR kodu tanıma

QR kod sağ alt küncdən oxunmağa başlayır. Piksellər, hər 8 pikseli 1 baytdan ibarət 8 nəfərlik qruplar olaraq oxunur. QR kodun necə proqramlaşdırıldığına bağlı olaraq, bu piksellər fərqli fərqli simvollara bağlanacaq.