Proqramlaşdırmanın şəxsi inkişafda rolu

Proqramlaşdırma günü-gündən yenilənən və dəyişən dünyamızda əhatəli tətbiq edilən və öyrənilməsi vacib sahələrdən biridir. 

Bəs siz bilirdiniz ki, proqramlaşdırmanın şəxsi inkişafda böyük rolu var?! 🤔

Proqramlaşdırma öyrənərkən biz yalnız texniki biliklərimizin deyil, həmçinin şəxsi bacarıqlarımızın inkişafına da çalışırıq. Şəxsi inkişafımızda proqramlaşdırmanın müsbət təsirlərinə aşağıdakıları misal göstərə bilərik:

1. Həllyönümlülük🧩

Proqramlaşdırma öyrənən zaman bir sıra problemlərlə qarşılaşır və onların həll edilməsi üçün çalışırıq. Bu bacarığımız, şübhəsiz ki, şəxsi həyatımıza da öz təsirini göstərir.

2. Analiz etmə qabiliyyəti📊

Proqramlaşdırma məsələlərini həll edərək analitik və məntiqi düşünmə bacarıqlarımızı inkişaf etdirə bilərik. Analitik düşünmə tək işimizdə deyil, gündəlik həyatımızda da bizim üçün əhəmiyyətlidir.

3. Planlı hərəkətetmə⏰

Hər bir sahədə planlı olmağın vacib olduğunu bilirik. Müxtəlif proqramlar və alqoritmlərlərlə işləyərkən proqramçılar planlı olmağa daha çox diqqət yetirirlər. Bu da öz növbəsində onların şəxsi həyatlarında məqsəd və hədəflərinə çatmağında əvəzsiz rol oynayır.

4. Komandayla işləmə bacarığı✌️

Proqramlaşdırma layihələri, əsasən, bir komanda tərəfindən icra edilir, bu da, təbii ki, bizim komandayla işləmə və insanlarla ünsiyyət qurma bacarıqlarımızı inkişaf etdirir.

5. Fokuslanma🎯

Günümüzdə bir çoxumuzun diqqət dağınıqlığından əziyyət çəkməsi danılmazdır. Haqqında bəhs etdiyimiz sahə üçün diqqətin bir işə cəlb olunması, yəni fokuslanma önəmli faktor hesab edilir. Bu həmçinin gündəlik yaşamımızda da digər işlərdə daha uğurlu olmağımıza kömək edən amillərdən biridir. 
 
Beləliklə, proqlamlaşdırma sahəsini öyrənməyimizin şəxsi inkişaf və müsbət keyfiyyətlərimizin təkmilləşməsində böyük rolu olduğunu öyrənmiş olduq.